Tag Archives: Jason Reitman

《寡佬飛行日記》笑看荒誕中年

假如人生是一次遠行,那麼你的旅行箱會裝些甚麼?

先是細件:置物板、抽屜、小飾物,中件:衣物、桌面擺設、檯燈、電視,大件:床、私家車、寓所;再裝入:兄弟、姐妹、父母、子女、老公、老婆、男友、女友,接著還有協商、爭拗、秘密、妥協... See? 人際關係才是份量最重的部分。

《Juno少女孕記》導演積遜懷文( Jason Reitman )拍完少女少男成長故事,今次請來金像得主佐治古尼( George Clooney ),飾演《寡佬飛行日記》( Up in the Air )公幹多過食飯的寂寞中坑,以風趣幽默電影語言,描畫對家庭、工作若即若離的「飛人」生活。

Continue reading

《JUNO少女孕記》大導演頂唔順學生仔?

獲獎無數、好評滿分、劇本睿智、對白精警嘅人生喜劇《JUNO少女孕記》( Juno )雖奪得2008年奧斯卡金像獎4項提名,但好多人認為得「最佳原創劇本」可以諗吓,其餘獎項似乎都係「陪跑」。Santa Barbara Middle School 幾位中學生記者喺 Santa Barbara International Film Festival 「訪問」《JUNO少女孕記》導演積遜懷文( Jason Reitman )時,就問「既然你都冇乜希望攞奧斯卡,咁獲提名仲有咩癮啊?」積遜懷文面部表情即時發生戲劇性變化,勁搞笑!

Continue reading

《Juno少女孕記》創意影片開場動畫!

當你望住「Juno」,腦海中開始浮現「麥浚龍」……停!呢個諗法一定要戒!因為《Juno少女孕記》今時今日喺美國已成為獲獎無數、好評滿分、劇本睿智、對白精警嘅喜劇代表作,而電影中總係忽發奇想,開口埋口夭心夭肺嘅16歲大肚妹 Juno,更已成為最具時代意義嘅潮流 icon,你一定要識!美國電影頒獎禮季節一開始,《Juno少女孕記》已獲獎無數,至今「笑奪」超過30個重量級獎項,更有望揚威金球獎同奧斯卡!

套戲真係咁正?睇吓開場字幕動畫先喇!導演積遜列文( Jason Reitman )搵番早前合作《吸煙無罪》( Thank You for Smoking )的設計團隊 Shadowplay Studio,令飾演 Juno 的愛倫比芝( Ellen Page )行走於真實與手繪世界之間,趣怪又清新!

Continue reading