2009年睇戲人十大啟示

舊年篇《2008年睇戲人十大啟示》獲各位留言捧場,令小弟有番少少信心,決定今年再次獻醜,推出續集《2009年睇戲人十大啟示》!Happy new year!

1. 以下幾件事係不可信的,電影公司的「映期僅限兩週」,Yahoo! 電影的「用戶影評」,唐唐的「普選承諾」。

2. 睇荷里活改編亞洲動漫真人版電影,就好似情人節同女友去睇《浮生路》( Revolutionary Road ),出事o架嘛!

3. 3D放映格式,是一種加價唔驚俾人鬧的嶄新技術。

4. 千祈咪得罪長相「不友善」的阿婆。

5. 做人一定要 take ONE side,否則同志團體會鬧你,宗教團體會鬧你,港鐵亦會搞硬你,是曰「三點畢露」。

6. 《希魔撞正殺人狂》( Inglourious Basterds )教導世人,今時今日,「想節能,輪胎能」級數o既語言水平點得o架。

7. 若有女仔待你如戀人,但又話同你只係「very, very good friends」,佢可能係 bitch,或者係安祖蓮娜祖莉( Angelina Jolie )。

8. 當配角失去利用價值後,《2012》就轉做《死神4來了》( The Final Destination ),削減人手。

9. 問:知唔知《阿凡達》( Avatar )同《D-9異形禁區》( District 9 )有咩相同之處?Esther 答:「I know. They 忽.」

10. 每個女人心中都有一座「暮光之城」( Twilight ),無論係o靚妹抑或師奶。(港譯:吸血新世紀)

Related posts

7 thoughts on “2009年睇戲人十大啟示”

  1. 1. 以下幾件事係不可信的,電影公司的「映期僅限兩週」,Yahoo! 電影的「用戶影評」,唐唐的「普選承諾」。

    「映期僅限兩週」<- MJ's This Is It? 假如有錢賺,豈有做兩個星期就落畫之道理?
    Yahoo! 電影的「用戶影評」 <- 亂刪《殺人犯》差評或《再生號》好評,不能承受的真相
    唐唐的「普選承諾」<- 算罷喇

    2. 睇荷里活改編亞洲動漫真人版電影,就好似情人節同女友去睇《浮生路》,出事o架嘛!

    荷里活改編亞洲動漫真人版電影 <- 《龍珠》?慶幸《Street Fighter》無在香港做...
    《浮生路》<- 絕對唔啱情侶觀看,睇完會有分手意欲 XXD

    3. 3D放映格式,是一種加價唔驚俾人鬧的嶄新技術。
    <- 其實《沖天救兵》睇2D就夠,無謂俾多幾十蚊

    4. 千祈咪得罪長相「不友善」的阿婆。
    <- 講緊《地獄巫門等你來》

    5. 做人一定要 take ONE side,否則同志團體會鬧你,宗教團體會鬧你,港鐵亦會搞硬你,是曰「三點畢露」。
    <- 港鐵連《波兒出城》海報都覺得唔妥,抵人鬧你

    6. 《希魔撞正殺人狂》教導世人,今時今日,「想節能,輪胎能」級數o既語言水平點得o架。
    <- 德文/意大利文講唔正,招來殺身之禍;煲冬瓜講唔正,招來惡搞之禍

    7. 若有女仔待你如戀人,但又話同你只係「very, very good friends」,佢可能係 bitch,或者係安祖蓮娜祖莉。
    <- 點解《心跳500天》關 Angelina Jolie 事,唔係好明...

    8. 當配角失去利用價值後,《2012》就轉做《死神4來了》,削減人手。
    <- 俄羅斯保鏢、富商女友、主角前妻男友,真係死得倉促

    9. 問:知唔知《阿凡達》同《D-9異形禁區》有咩相同之處?Esther 答:「I know. They 忽.」
    <- Esther 應該係《孤疑》o個個吧... 今年電影金句之一!

    10. 每個女人心中都有一座「暮光之城」( Twilight ),無論係o靚妹抑或師奶。(港譯:吸血新世紀)
    <- 估唔到《New Moon》咁賣得

Leave a Reply