影評討論:《盜墓迷城3》

香港觀眾期待已久嘅《盜墓迷城3》( The Mummy: Tomb of the Dragon Emperor )今日起喺全港戲院隆重上映!

《盜墓迷城》系列雖然新意欠奉,但仍保持不俗娛樂性,更為環球影片掘到滾滾財源。時隔七年,《盜墓迷城》第三集為求新鮮感將故事背景從埃及搬到中國,並邀得李連杰、楊紫瓊、梁洛施等華人演員加盟,但呢套「一流預算、二流導演、三流特效、四流劇本」嘅暑期大雜燴最終只係又一荷里活「狗尾續貂」反面教材。

先唔講個故事幾咁漏洞百出,大段大段老套對白就製造咗唔少悶場,仲時不時搞吓「冷gag」,引致全場一片嘲笑(都好過鼻鼾聲)。

打鬥(戰爭)場面一睇就係用錢而唔係用腦做出嚟嘅,幕幕都有似曾相識之感。李連杰雖然身為「主演」,但真人出場時間相當有限,最尾變身「珍禽異獸」同班頓費沙( Brendan Fraser )決一死戰以為會有料到,點知又係睇得唔打得,為呢套鬧劇劃上「完美」句號。

(評分:D)

各位對《盜墓迷城3》係咪好似我咁失望呢?歡迎發表意見或連結影評。

Related posts

7 thoughts on “影評討論:《盜墓迷城3》”

  1. 網主狠批
    「一流預算、二流導演、三流特效、四流劇本」!
    但是:
    李連杰、楊紫瓊及梁洛施參演的《盜墓迷城3》,繼日前於香港上畫單日大收366萬港元破紀錄後,在美國同樣成績斐然。《盜》片於上周五當地開畫單日收1,650萬美元(約1.3億港元)稱冠,打低了只收1,230萬美元(約9,600萬)的《蝙蝠俠─黑夜之神》。

  2. @Anonymous

    根據美國周末票房統計,《蝙蝠俠—黑夜之神》以4380萬險勝《盜墓迷城3》的4245萬。《盜3》雖然週五票房高過《黑夜之神》,但接連兩天又被反超,相信跟觀衆口碑欠佳有一定關係。

    電影質素和票房本來就不存在正比關係,片商發行策略和市場環境同樣是重要決定因素……我在此只是發表自己的一點拙見而已,歡迎各位批評指正!=)

  3. 絕對是騙錢之作,但求每個位都出D特技就算。
    根本沒劇情可言,務求咩都有D就算數啦。
    見到楊紫瓊最尾念英文咒語叫佢老公出來,
    明明最初係梵文,佢老公班幾時變左西人。
    仲要連打戲都懶得拍,下下2野就收檔。
    連三頭龍都變埋,真係算罷啦=﹏=
    省番d錢去睇多次batman好過。

Leave a Reply