東芝正式宣佈放棄 HD DVD

新一代高清影碟制式爭霸戰結果終于揭曉!東芝早前發表官方聲明表示不再支持 HD DVD 制式,令到 Blu-ray Disc 自動成為唯一高清影碟制式。

東芝尋晚宣佈將於3月31日前正式終止 HD DVD 生產及銷售業務,但已售出之 HD DVD 播放機仍可獲得8年保用維修服務。

早前華納宣佈單一支援 Blu-ray Disc,令到力撐 HD DVD 嘅派拉蒙、環球都「心郁郁」。東芝預到大勢已去,已無心戀戰。HD DVD 退出高清影碟市場對於消費者當然係好消息,同時都有利於普及新一代高清影碟。但做獨市生意嘅 Blu-ray 面對網上影片及 Video on Demand 嘅挑戰又能否勝出?

點變都好,大贏家始終係內容提供商。

Related posts

Leave a Reply