妮妲莉寶雯「大吉利是」首演裸戲

13歲主演《這個殺手不太冷》( Léon )而踏上星途嘅妮坦莉寶雯( Natalie Portman )一直都拒拍裸戲,不過為咗韋斯安德遜( Wes Anderson )潮型癲作《大吉利是有限公司》( The Darjeeling Limited ),妮坦莉終于肯首次「破戒」,喺前傳篇《Hotel Chevalier》同積遜舒華薩曼( Jason Schwartzman )大玩激情場面。

妮坦莉寶雯演出《大吉利是有限公司》只客串咗幾個scenes,而序幕《Hotel Chevalier》先至算係「領銜主演」。呢齣同《大吉利是有限公司》康城影展同場首映嘅短片講嘅係三弟積遜舒華薩曼入住一間法國酒店,「意外」見番前女友妮坦莉寶雯,兩人見面又舊情復熾。但最「意外」嘅應該都係妮坦莉嘅性感全裸出鏡,令人感嘆:「妮坦莉真係大個女了!」

妮坦莉接受訪問時表示:「其實我都唔知點解。有時你為自己制定咗D規則,有時你又要打破成規。你需要嘗試D嘢,然後睇吓係咪啱你。我覺得今次冇行錯。」

之後又有傳媒報導妮坦莉「後悔」拍咗呢段裸戲,佢自己就回應話:「我唔係後悔,但D相被人擺落鹹網,令我覺得有少少沮喪。」

我自己已經睇咗《Hotel Chevalier》,可能因為冇睇《大吉利是有限公司》,所以唔係好明。估大家會問到入邊嗰隻歌叫咩名,喺度話著先啦:係 Peter Sarstedt 嘅 Where Do You Go To (My Lovely)。

《大吉利是有限公司》(同場加映《Hotel Chevalier》)香港上畫日期:2008年1月10日。

Related posts

Leave a Reply