愛德華諾頓《變形俠醫2》最新電影劇照！

「變形俠醫 The Hulk」番嚟了！不過今集幕前幕後都經歷大「換血」：愛德華諾頓( Edward Norton )取代艾力賓拿( Eric Bana )變身「The Hulk」，女友珍妮花康納莉( Jennifer Connelly )都換咗係「精靈公主」莉芙泰萊( Liv Taylor )。發行公司環球影片啱啱出咗2幅《變形俠醫2》( The Incredible Hulk )官方電影劇照，作為新年禮物同大家分享。

我仲記得睇李安版嘅《變形俠醫》第一集幾乎瞓着咗。套戲雖然有明顯「戲劇衝突」（superhero個個都有心魔），不過顯得相當「平乏」；動作場面「新意」欠奉，好難令到觀眾興奮；嗰場高潮戲更加「不知所謂」、草率收場。拍過兩集《換命快遞》( Transporter )嘅新導演盧域斯羅特希( Louis Leterrier )，連同兩位編劇——瑟奇潘( Zak Penn )（《X戰警2》( X-Men 2 )）+愛德華諾頓( Edward Norton )能否將《變形俠醫2》帶出票房低谷？而「The Hulk」又能否搵到辦法解決心魔，同時又要面對另外一位邪惡變異人嘅威脅？2008年6月12日戲院揭曉！