《奪寶奇兵4》首批官方電影劇照曝光！

早前話有賊人潛入史提芬史匹堡( Steven Spielberg )喺環球片厰嘅辦公室，「奪」得大量《奪寶奇兵4》( Indiana Jones and the Kingdom of the Crystal Skull )電影劇照同其他機密資料，搞到電影發行商大為「火滾」，不過最終都係人賍俱獲。最近見到《蝙蝠俠：黑夜之神》( Batman: The Dark Knight )宣傳勢頭正猛，史匹堡又點坐得安樂呢？而家派拉蒙影片終于發佈咗《奪寶奇兵4》首批3張官方電影劇照！

大家睇《奪寶奇兵4》除咗欣賞「老當益壯」嘅夏里遜福( Harrison Ford )之外，當然仲有近排頻頻出鏡嘅沙拉保夫( Shia LaBeouf )。雖然我對呢位史提芬史匹堡力撐之新人並不「感冒」，不過「經典回歸」始終都係值得捧場嘅。

《奪寶奇兵4》鐵定於2008年5月22號香港同步上映！