「蝙蝠俠」基斯頓比爾分身「未來戰士」？

《蝙蝠俠：俠影之謎》( Batman Begins )之後，一直都以接拍中小型製作為主嘅基斯頓比爾( Christain Bale )突然人氣極升，片約接踵而來。早前《黑夜之神》( Batman: The Dark Knight )來港拍攝，更加引致全城轟動！而家又有一部荷里活大製作睇啱咗基斯頓比爾，佢就係同《蝙蝠俠》一樣屬華納影片製作嘅《未來戰士4》( Terminator Salvation: The Future Begins )！

Ain't It Cool News報道，《神探俏嬌娃》導演McG宣佈執導《未來戰士》第四集之後嘅第一個卡司人選，就係由基斯頓比爾( Christain Bale )出演飾演「救世者」John Connor，率領人類同未來世界嘅機械人決一死戰。

消息暫時未得到華納影片官方證實。

《未來戰士4》或者叫做《未來戰士新三部曲》第一集，將於2009年5月28日在香港上映。