史提夫加維+安妮夏菲維「特務S嘜」至叻海報!

華納影片啱啱發佈咗明年暑期上畫嘅間諜搞笑片《特務S嘜》( Get Smart )第一款電影海報!不過我覺得似洗頭水廣告多D,哈哈。

出現喺海報嘅兩位大家都應該幾熟悉啦:史提夫加維( Steve Carell )同埋安妮夏菲維( Anne Hathaway ),前幾排都有佢哋嘅新片喺香港上畫架:《嚟多件衰鬼上帝》( Evan Almighty ) and 《珍奧斯汀少女日記》( Becoming Jane )。兩位都喺以喜劇角色出名,所以今次嘅合作都幾值得期待。《至叻神探》不單有佢哋兩位,仲有喺《陽光小小姐》( Little Miss Sunshine )扮阿爺嘅艾倫雅堅( Alan Arkin )同埋猛男「巨石」戴雲莊臣( Dwayne Johnson )加盟。

擺明喺度惡搞「007」系列嘅《特務S嘜》改編自同名經典電視劇集,講嘅係史提夫加維飾演嘅憨居「神」探 Maxwell Smart 突破情報機關之間的矛盾,齊心合力同安妮夏菲維扮演嘅 Agent 99 將世界從邪惡組織「Kaos」嘅核武威脅下拯救出嚟。

《特務S嘜》2008年6月20號北美上畫,香港就係8月7號。

Related posts

One thought on “史提夫加維+安妮夏菲維「特務S嘜」至叻海報!”

Leave a Reply