米高比爾:《變形金剛2》「爆料」不可信

Variety報道,《變形金剛》( Transformers )續集已經進入前期籌備階段,包括選擇拍攝地點以及籌備特效製作。睇嚟電影公司唔係得把口,至少已經有咗個詳盡製作計劃。導演米高比爾( Michael Bay )預計《變形金剛2》會喺2008年6月開機。不過假如美國編劇工會嘅罷工持續幾個月,主要拍攝工作可能會因此推遲。

同時,米高比爾勸告變形金剛fans唔好信喺論壇BBS睇到D文章。佢解釋話,電影發行商夢工場( Dreamworks )已經準備喺網路爆D「流嘢」避免可能發生嘅劇情洩漏。

「我知有樣嘢叫做『混淆視聽』……」米高比爾接受Rottentomatoes採訪時表示,「我哋計劃喺網路到處散播假新聞。我知道有人鈡意玩遊戲:佢哋雖然從來未睇過劇本,不過就估咗好多佢哋認為會出現的劇情當『料』咁爆。我哋同樣寫好晒準備洩漏的假劇情。冇人會知。而家都D流料已經出咗街啦,以後可能仲多添!」

米高比爾講嘅係上個月洩漏的所謂13頁紙嘅劇本,標註日期係10月2日。兩位未曾公開身份嘅編劇聲稱為事件負責。

《變形金剛2》計劃喺2009年6月26日全球上映。

Related posts

Leave a Reply