又有兩座城市被《魔間傳奇》「大肆破壞」？
之前同大家分享過華納影片( Warner Bros. Pictures )為咗宣傳韋史密夫( Will Smith )新片《魔間傳奇》( I Am Legend )嘅「末世感」，將全球多座城市「打造」成為「無人地帶」，其中包括有：香港、里斯本、倫敦、馬德里、大阪、巴黎、雷克雅未克、雪梨同埋東京。而家我哋又收到「線報」話，又有兩座城市被「大肆破壞」，變咗廢墟一片。
By ADAM | 1 comment
《魔間傳奇》宣傳banner：香港「末日降臨」？
美國嘅「荷里活」，而家已經成為世界嘅「荷里活」。荷里活電影不單只要滿足美國觀眾，更要迎合「國際口味」。韋史密夫( Will Smith )主演科幻動作電影巨製《魔間傳奇》( I Am Legend )為咗營造世界末日嘅迫切危機感，特別為幾座著名城市「度身訂造」末世「景觀」，而身為「亞洲國際都會」嘅香港也「不幸」入選。大家可以體驗吓全港只剩低一位人類生還者會係點樣嘅情景。
By ADAM | 9 comments《異獸戰2》日本版電影海報及預告！
作為全球最大娛樂市場之一嘅日本，就算係荷里活都冇可能忽略舊咁大的「蛋糕」。荷里活電影公司係日本嘅分支機構，經常會比其他海外地區擁有更大嘅自主權及資源支援。霍士影片計劃聖誕上映嘅《異獸戰2》( Aliens vs. Predator: Requiem )無論係日本版海報定係電影預告，都「零舍不同」D啵。
By ADAM | No comments馬修派利「變身」碩克艾佛朗？
可能你記得佢個樣但唔知佢叫咩名——在《老友記》( Friends )中演出 Chandler 的馬修派利( Matthew Perry )，即將同《歌舞青春》碩克艾佛朗( Zac Efron )搭戲《17 Again》，演繹一段荷里活版「童夢奇緣」。
By ADAM | No comments《魔幻羅盤》導演及「萊拉」即將來港出席首映！
由天映娛樂有限公司榮譽發行之《魔幻羅盤》(The Golden Compass)，將於12月20日於香港上映，《魔幻羅盤》是New Line Cinema繼《魔戒三部曲》後，為慶祝成立40周年特別重點製作之奇幻鉅獻；電影故事主角是一名十二歲的女孩子萊拉(迪歌達布魯李察斯飾演)，她憑著一顆好奇心及一個「真理羅盤」( Alethiometer )開展她從未見過、卻又深不可測的北方世界。
《魔幻羅盤》的龐大的宣傳活動亦已告展開，繼《達文西密碼》後，張王幼倫女士將會為香港女童軍總會舉行大型慈善晚宴暨《魔幻羅盤》首映禮，而且更邀得《魔幻羅盤》導演基斯韋士( Chris Weitz )及飾演萊拉之12歲女主角迪歌達布魯李察斯( Dakota Blue Richards )來港參與盛會，慈善晚宴暨《魔幻羅盤》首映禮將於12月16日在數碼港舉行，屆時大會將筵開六十席，並獲得香港特別行政區行政長官伉儷曾蔭權先生及曾鮑笑薇女士出席支持，而身為香港女童軍總會會長之曾鮑笑薇女士，將會為大會主持晚宴及首映禮儀式。
CW電視網《魔街理髮師》最新幕後製作特輯
美國CW電視網最近播咗添布頓( Tim Burton )同尊尼特普( Johnny Depp )合作嘅驚悚歌舞片《魔街理髮師》( Sweeney Todd: The Demon Barber of Fleet Street )全新幕後製作特輯！多謝Youtube，我哋都可以睇到呢隻精彩嘅影片！
By ADAM | No comments《蜜蜂電影》香港首映禮現場報道
我個人對夢工場( Dreamworks )最新動畫作品《蜜蜂電影》( Bee Movie )冇乜 feel 啦，不過發行商派拉蒙影片( Paramount )對佢就好高期望，希望可以喺呢個冇乜動畫片「插足」嘅秋冬檔「大賺一筆」。北美票房而家睇嚟都頗為之成功，不過大家都知海外市場對於荷里活係幾咁重要。所以今次派拉蒙為《蜜蜂電影》策劃咗全球巡迴宣傳陣勢，包括有墨西哥城、雪梨、香港、特拉維夫、布魯塞爾、巴黎同埋倫敦嘅。我有幸獲得角川洲立影片嘅邀請，到現場體驗《蜜蜂電影》亞洲唯一一站宣傳活動嘅盛況。
By ADAM | 1 commentYoutube「驚天奪寶」 解開世紀秘「片」
世紀密「片」指嘅係「影片」，即係「video」。自從「巴士阿叔」之後，Youtube 喺香港都知名度大增，更加唔使話全球。係人都諗到去 Youtube 賣片啦！比如話聖誕期間上畫嘅《驚天奪寶2：世紀秘冊》( National Treasure: Book of Secrets )，就喺 Youtube 整咗部世紀秘「片」畀大家「奪寶」。
By ADAM | No commentsHe is coming...《黑夜之神》「小丑」現身！
英國電影雜誌《Empire》早前開咗個page，為《蝙蝠俠：黑夜之神》( Batman: The Dark Knight )「小丑」( The Joker )戲中造型「揭幕」倒數。你可以見到D啤牌會一張張咁揭開。唔知係唔係部門間協調不濟嘅結果，《Empire》一月刊「小丑」cover居然提前泄漏，搞到精心籌劃嘅神秘感即刻冇晒！不過希夫列查( Heath Ledger )變身作「小丑」又的確幾掂啵！
By ADAM | No comments《奪寶奇兵4》首批官方電影劇照曝光！
早前話有賊人潛入史提芬史匹堡( Steven Spielberg )喺環球片厰嘅辦公室，「奪」得大量《奪寶奇兵4》( Indiana Jones and the Kingdom of the Crystal Skull )電影劇照同其他機密資料，搞到電影發行商大為「火滾」，不過最終都係人賍俱獲。最近見到《蝙蝠俠：黑夜之神》( Batman: The Dark Knight )宣傳勢頭正猛，史匹堡又點坐得安樂呢？而家派拉蒙影片終于發佈咗《奪寶奇兵4》首批3張官方電影劇照！
By ADAM | No comments